Ака уйăхĕн 26-мĕшĕнче Кунерти пĕтĕмĕшле пĕлÿ паракан вăтам шкулта «Асамлăх тĕнчинче» вăйă-ăмăрту иртрĕ. Унăн тĕллевĕ - И.Я.Яковлевăн ача-пăча валли çырнă калавĕсене аса илесси, вĕсенче вĕрентсе каланисемпе тата ваттисен сăмахĕсемпе усă курнине тишкересси, чăваш халăхне çутта кăларнă аслă вĕрентекен çинчен ытларах пĕлесси.
«Асамлăх тĕнчинче» вăййа 7 - 8 классенче вĕренекенсем хутшăнчĕç. Чи тавçăруллисем вара 7-мĕш класра вĕренекенсем пулчĕç.